Многу сум среќна
Денес дознав т.е. заклучив нешто многу важно, нешто кое било една од причините кои постојано ме туркале во светот на дрогата.
Во животот секогаш копнеев кон перфекција и совршенство. Поради тоа секогаш кога ќе го погледнев сопственото тело ги пронаоѓав и гледав несовршеностите на него. Тоа ми предизвикуваше неубаво чувство и одбивност кон самата себе. Никогаш не се гледав јас како живо битие, секогаш го гледав она материјалното кое е на мене. Никогаш немав храброст да се погледнам и да се соочам со тоа каква сум вистински јас.
Во текот на вежбата нешто како да светна во мене “ништо не е совршено “. Затоа решив дека никогаш повеќе нема да целам кон совршенство, бидејќи тоа и не постои; знам дека од денес па натаму никогаш повеќе нема да ги гледам, да ги разгледувам нештата—ќе ги прифаќам такви какви што се.
Конечно можам да кажам дека се чувствувам многу убаво и среќно.
