Светла иднина пред мене бидејќи јас сум одговорна за истата

 

Зборот „Дисциплина“ го знаев само по дефиниција. Никогаш не сум ја применувала. Сега почнав да си внесувам самодисциплина и тешко е. Тешко, но правилно.

Поради тоа што целам кон исправно постапување ми се крева и самодовербата дека можам и дека успевам.

Етикетата „Наркоман“ носи со себе само и само деструкција. Одлучувам да не живеам деструктивно, да се грижам за себе и да се сакам себеси. Одлучувам дека минатото е минато и ја одлепувам таа етикета.

Имам светла иднина пред мене бидејќи јас сум одговорна за истата. Јас бирам кај одам, со кој и што правам. Не ми треба некој постојано зад мене да ми кажува што следно да направам, бидејќи патот е мој и грешките и успесите се моја одговорност.

Студент на Нарконон Балкан - М.К.

Денес сфатив дека скоро цел мој живот сум мислел дека е полесно да ги оставам работите нерешени и да не се трудам ниту малку за да ги справам и од тоа сум станал многу стрплив човек. Сум ги оставал работите самите од себе да си се решаваат.

Со текот на времето и многу пати од некои ситници за кои првично требало многу малку напор за да се решат настанале големи проблеми, а јас мислев дека со тоа што имав трпение бев јак човек.

„Сега сфаќам дека јак човек е тој што веднаш застанува цврсто пред секој проблем и го решава, а не тој што ги трпи последиците што настанале од тој проблем.“

Сега сфаќам дека јак човек е тој што веднаш застанува цврсто пред секој проблем и го решава, а не тој што ги трпи последиците што настанале од тој проблем.

Студент на Нарконон Балкан - Г.Ј.