Не ми требаат дроги за да се чувствувам добро

(За да ја зачуваме приватноста, сликата која ја прикажуваме не го прикажува директно Нарконон студентот или студентот кој има завршено Нарконон програм.)

Додека бев дел од програмата за прочистување Детоксикацијата - Нов Живот доживеав огромни успеси и победи. Се разбира, најважна и најзначајна победа е исфрлувањето на сите токсини од моето тело. Распоредот ми овозможи да го рестартирам мојот биолошки часовник. Спијам доволно и одлично, без кошмари и се будам поенергичен. Апетитот ми се врати а со тоа дојде подобрување на мојата телесна тежина, се поправив седум килограми. Исто така ментално и емоционално се чувствувам многу подобро и постабилно.

„Не ми требаат антидепресиви, алкохол или дроги за да се чувствувам добро.“

Анксиозноста, депресијата, напнатоста и немирот видно се намалија. Чувството и мислата дека изгубив се и дека никогаш веќе нема да бидам како порано исчезна. Сега сум оптимист и верувам дека ќе ги вратам сите мои претходно изгубени способности. Намалена е тагата, нервозата и сите лоши мисли и чувства што ме попречуваа да бидам среќен. Толеранцијата и смиреноста ми се зголемија. Имав можност да размислувам за моето минато и да увидам во моите реакции и постапки како всушност сум го креирал тој пекол. Појасно и поразумно размислувам. Не ми требаат антидепресиви, алкохол или дроги за да се чувствувам добро. Не ми треба Q-pin за да заспијам.

Имав суицидни мисли кои ме мачеа секојдневно долги години. Две работи ми се вртеа во главата кога и да помислев на тоа: дали пробав се што можев за да се спасам и насмевката на моите родители. Тоа некако ме спречуваше. Ете сега сум во Нарконон Балкан и имам многу поинаков поглед кон животот, а насмевката на моите родители е позабележителна и пореална. Имам пореална перцепција за се околу мене. Имам големи подобрување на сетилата. Се чувствувам порасположен и посреќен! Им се заблагодарувам на сите вработени во центарот што вложија толку труд и беа покрај мене во текот на целиот процес. Сега сум спремен за наредниот чекор!

Студент во Нарконон Балкан – Г.С.

АВТОРОТ

Narconon Balkan

НАРКОНОН БАЛКАН

ЕДУКАЦИЈА И РЕХАБИЛИТАЦИЈА ОД ДРОГА

Добијте помош сега
ЈАВЕТЕ СЕ НА