Од срам до гордост

 

Јас бев личност која беше член на разни деструктивни групи кои ми штетеа на сите можни полиња во животот. Од тоа да си нанесувам штета сам на себе до нанесување штета на други групи и на на фамилијата па дојдов до степен да се срамам од своето постоење.

Откако го почнав програмот на Нарконон увидов дека јас сум бил само дел од злото, така почна моето преминување од лошата на добрата и етичната страна. Станав човек на кој може да му се верува и кој би бил посакуван во секоја група затоа што научив да го ценам мојот труд и трудот на другите околу мене. Да бидам прчинител и да придонесувам за тоа сите да одат во нагорна линија по патот на чесноста.

Видов дека многу убаво е кога ќе научи човек да биде чесен спрема себе, кога ќе се почитува самиот себеси поради тоа што прави нешта кои се исправни. Сфатив дека мојот разум е моето најсилно оружје но и мојот најдебел штит. Научив дека треба да носам суд за некои работи тогаш кога ќе ги имам сите информации за пресуда, исто така научив дека јас сум длабоко во себе добра личности бидејќи секој човек во основа е добар и дека само од сопствената не-етика може да се уништиме. Сфатив дека само чесноста може да биде наградена со вистински пријатели и дека секој може да биде среќен и слободен само доколку ја исчисти својата совест.

Да, и јас бев тој што скршна од правилниот пат и се движев по погрешниот пат. Не се срамам од тоа, затоа што на некој начин станав појак. Појак за да се изборам самиот себеси и да си признам дека имам проблем за кој ми треба помош.

„На секој чекор од програмата гледав да земам максимум придобивки, и тоа и го направив. Затоа денес сум горд сам на себе, затоа што успеав погрешниот пат да го оставам зад себе и секој нареден ден да сум подобар од вчера.“

Уште од првите денови кога дојдов во Нарконон Балкан увидов и сфатив дека луѓето кои работат тука минувале сличен пат како јас, па го имаат целосното разбирање за таквиот начин на живот. Секој момент кога ќе наидев на некоја препрека имаше до мене човек кој ми отвараше нови видици и ме наведуваше на тоа сам да изнајдам решение за тоа како да ја поминам таа препрака и да продолжам да се движам напред. На секој чекор од програмата гледав да земам максимум придобивки, и тоа и го направив. Затоа денес сум горд сам на себе, затоа што успеав погрешниот пат да го оставам зад себе и секој нареден ден да сум подобар од вчера.

Нарконон е местото во кое се најдов себеси како конструктивен член на оваа група и како единка која успешно се бори да се подобри себеси. Освен тоа што успеав да ја победам зависноста од дрога успеав комплетно да го сменам мојот начин на живот и сега свесно сум причинител на доброто, конструктивното и етичното однесување во мојата иднина.

Студент на Нарконон Балкан – Ѓ.Ч.