Последната шанса
Пред неколку години моите родители живееја во постојан страв. Секој телефонски повик ги плашеше, секое мое доцнење ги тераше да помислат на најлошото. Дојде момент кога веќе не знаеја што да направат. Пробаа разговори, совети, расправии... но ништо не помагаше. Искрено, ја губеа надежта дека некогаш повторно ќе го имаат својот син. Кога им беше предложено да одам во Нарконон, не беа сигурни дека ќе успее. По толку разочарувања, тешко е повторно да поверуваш. Но, и покрај сомнежите, решија да ми дадат уште една последна шанса.
„Во Нарконон не научив само како да живеам без дрога. Научив како повторно да бидам чесен, одговорен и човек кој стои зад својот збор.“
Денес, кога ќе погледнам назад, сфаќам дека тоа беше најважната одлука во мојот живот. Во Нарконон не научив само како да живеам без дрога. Научив како повторно да бидам чесен, одговорен и човек кој стои зад својот збор. Научив да ги исправам грешките наместо да бегам од нив. Полека почнав да ја враќам довербата што ја имав изгубено. На почетокот моите родители не веруваа многу во зборовите што ги кажував. И не ги обвинувам. Им требаа дела, а не ветувања.
Со време, тие дела почнаа да се гледаат. Почнав да бидам присутен во нивниот живот, да исполнувам обврски и да покажувам дека навистина сум се променил. Никогаш нема да го заборавам денот кога татко ми ми рече: „Повторно го добив мојот син.“ Во тие неколку зборови имаше години болка, разочарување, но и огромна среќа. Мајка ми, која некогаш плачеше од страв за мене, денес плаче од радост кога гледа колку далеку сум стигнал. Најголемата награда не ми е само тоа што сум чист. Најголемата награда е што моето семејство повторно има мир, што повторно ми веруваат и што денес се горди кога ќе кажат: „Тоа е нашиот син.“ Ако некој што денес се бори со зависност мисли дека е предоцна, сакам да знае дека не е. Јас сум доказ дека, со вистинска помош, труд и истрајност, можеш повторно да го изградиш својот живот и да им дадеш причина на најблиските повторно да се насмевнат. Тоа е мојата најголема победа.
Ј.Т., Студент во Нарконон Балкан
