Вистинска Слобода

(За да ја зачуваме приватноста, сликата која ја прикажуваме не го прикажува директно Нарконон студентот или студентот кој има завршено Нарконон програм.)

Денес имав реализација колку само погрешно сум го сфаќал значењето на зборот слобода. Си мислев со дрогата дека сум скроз слободен, цел ден дека е само за мене и дека правам што сакам и кога сакам. Но сега гледам дека сум живеел во голема илузија пошто сум живеел како да сум врзан за ланец, контролиран од зависноста. Секој ден ми бил исполент со проблеми, карање, крадење и лажење со цел да бидам под дејство некој период од денот.

Сфаќам дека сум живеел лажна слобода, контролиран од зависноста и опкружен со погрешно одбрани луѓе, а со семејството и блиските сум поминал скоро нула убави моменти во последниве години. Сега гледам дека е потребно да бидам продуктивен во текот на денот, слободното време да го користам за да правам конструктивни работи кои ме исполнуваат и да бидам опкружен со луѓето кои ме сакаат и ги сакам.

Порано по цели денови сум безделничел без никакви обврски и освен за дрога за друго ништо не сум се замарал. А сега откако дојдов тука и сам започнав да се одржувам и да се грижам за мене а притоа имам доволно време да ги изучувам курсевите, да продуцирам и после тоа се дружам со другите, спортувам и сум многу повесел од времето кога бев зависник.

Студент на Нарконон Балкан – Б.Н.

АВТОРОТ

Narconon Balkan

НАРКОНОН БАЛКАН

ЕДУКАЦИЈА И РЕХАБИЛИТАЦИЈА ОД ДРОГА

Добијте помош сега
ЈАВЕТЕ СЕ НА