Проблемите веќе не ги одбегнувам, ги решавам

Во животот, секој од нас може да се лизне, да падне, да се повреди. Но и секој од нас може да стане, да се исправи и да продолжи по својот пат. Јас иако бев паднат успеав да застанам на здрави нозе и да продолжам да го чекорам и живеам на позитивен начин мојот живот. Научив удобно да се чувствувам кај и да сум, удобно да се соочувам со секој проблем. Проблемите веќе не ги избегавам, ги решавам. Сега знам да се исконтролирам, научив и да прифаќам негативни одговори, научив да комуницирам, да сослушувам , да бидам истраен.

Сега сум стабилизиран во просторот, имам ориентација. Сега сум посвесен, поведар, похрабар. Гледам на работите од друг агол. Сега јас одлучувам што ќе правам со мојот живот и на кој начин ќе го живеам. Одлучен сум и цврсто убедлив зад работите кои ги кажувам. Сега исто така што и да правам има продукт. Сè што правам, правам со намера и затоа и успевам. Сега имам и природна насмевка, која ме прави уште посигурен. Повеќе не се срамам од самиот себесе и од ништо не се плашам. Сега ја чувствувам сегашноста, уживам во секој момент, немам црни мисли, а со тоа ја чувствувам и љубовта, а ако има љубов има сè.

Р.Т — Студент во Нарконон Балкан